歐聯：紐卡素搶韁有力開半大_東方日報

文章内容

歐聯16強相對較新鮮嘅對決，紐卡素主場鬥巴塞隆拿。「喜鵲」中前場球員上晒力，近12戰全部有波入，可惜後防仍然不穩，近6場全部半場開2球或以上，今場不妨向1.5球半場大埋手。（Now 643周三凌晨4時直播）文:渡邊年

紐卡素近期表現大起大跌，近6場3勝3負，包括前仗聯賽擊敗來勢洶洶嘅曼聯，但上仗英足盃對曼城又以1比3輸波出局，今仗勝負無法預計，但球隊踢法極富娛樂性，經常上半場有交收，近6場半場全開2球或以上，中前場球員包括安東尼哥頓、積及梅菲、祖連頓同辛度東拿利都有機會對巴塞造成威脅，尤其前者更係歐聯射手榜次席球員。

巴塞攻強守弱
巴塞踢法當然崇尚進攻，「老嫩拍檔」羅拔利雲度夫斯同拉明耶馬，已經令任何球隊聞風喪膽，聯賽階段8場入22球。不過巴塞同時有隱憂，今屆歐聯合共失14球，場場都未能保持清白之身，連奧林比亞高斯、布拉格斯拉維亞同哥本哈根都入到佢哋波，就知巴塞後防幾曳，今場相信都係以攻代守，更有利開半場大。