世界盃：安察洛堤領軍有保證巴西聞哥開大騷_東方日報

文章内容

巴西雖然有「小雲」雲尼斯奧斯祖利亞等撐住，但論星味，點能夠同3捧世盃嘅球王比利，1994年夢幻組合羅馬里奧拍白必圖，以及2002年「3R」朗拿度、李華度、朗拿甸奴相比呢？不過，主帥安察洛堤係有料之人，擅於睇餸食飯，針對防守不穩問題，刻意稍稍縮後鞏固防線，嘗試誘敵深入壓前，突然放長傳，畀「小雲」、拉芬夏比洛尼等打突擊，巴西近4仗獲3勝1負兼入12球，全開3球或以上，反擊銳利。文:法達斯維

摩洛哥唔怕遇強照搶攻
另邊廂，摩洛哥唔單止上屆世盃獲殿軍，成為首支闖入4強嘅非洲球隊，早前亦「失而復得」勇奪非國盃。無論係夏基美、馬沙拉奧、巴謙戴亞斯等主力，均喺歐洲打出名堂，近4仗未輸過兼入12球，加上今年3月「拍跳」曾經贏過巴西2比1，不容忽視，今仗唔赦「森巴兵團」隨時主動進攻，入球大更可取。