01
文章内容
今晚瑞典超佐加頓斯主場迎戰咸史達斯。佐加頓斯餓波已久堅搶韁，兼且一向以攻代守有前冇後，撞正防線穿窿嘅咸史達斯，實多波入，主W太熱冇肉食，轉捧3.5球入球大為妙。（HOY TV 76周二凌晨1時直播）文:工廠仔經過世盃小休後，瑞典超上周重燃戰火，佐加頓斯餓波已久堅搶韁，最終以4比2擊敗赫根，唔單止打破對方今季聯賽不敗之身，更止住自己之前聯賽兩連敗頹勢。但佐加頓斯贏波背後亦付出代價，守將米基爾馬基斯今仗要坐波監，對防守影響唔細，睇番佢哋近5場聯賽，入17粒失9球，其中4次開4球或以上，何況防守漏洞難於短時間內改善，今仗隨時以攻代守。
咸史達斯後防穿窿
另邊廂，咸史達斯狀態差到冇朋友，開咧後11場聯賽贏得1場咁大把，更加狂失23球，淨計近5聯賽作客亦失12球，猶如不設防，其中上仗護級大戰對住華斯特拉斯輸1比3，見到都唔開胃，難怪徘徊下游，點同佐加頓斯抗衡呢？不過佐加頓斯主W熱到乏味，既然佢哋進攻大過天，狂攻之下唔慌少波入，一於撐3.5球入球大。
评论互动 (0)