Willhappy：心狠手辣 馬利斯卡有話直說_星島日報

文章内容

車路士領隊馬利斯卡行事作風由上任到現在都一樣，出席記者會都可以用「爽手」形容，最近有記者問車路士成績咁好，係咪已經接近到阿仙奴同曼城，而佢答無可能，車路士跟阿仙奴同曼城仲有一段距離。

佢就係一個非常之直率嘅領隊，覺得係接受嘅就去接受，唔得嘅就完全擰晒頭，一上任就已經話芝維爾唔適合呢隊波，連盃仔歐協聯都唔落佢個名，就知道佢對自己套戰術有一份執着，唔要史達寧果斷借去阿仙奴，可以見到佢真係好心狠手辣，對住邊一個都無情講。

而佢對每一個球員都好似教仔咁，好記得車路士有場對住韋斯咸，當時尼高拉斯積遜去緊逼搶，佢即刻嗌：「Back，Nico！」係幾惡?，但又會之後讚返句「Well done」，睇嚟佢喺球隊都有一定嘅威嚴。

講到底都係因為成績好咗，自然好多嘢望埋去都順眼，Build Up又好睇咗，即管睇下馬利斯卡可唔可以繼續帶領呢支球隊成長。Willhappy