01
文章内容
同日另一場歐聯焦點之戰，RB萊比錫主場對利物浦，「紅軍」利物浦狀態極之出色，上仗英超贏車路士，各項賽事7連勝，包括今屆兩場歐聯都勝出，走勢銳不可當。反觀德甲球隊RB萊比錫踢歐聯兩戰2敗，加上有「恐英症」，近3次歐聯對英超球隊全敗，一於直取利物浦客勝。(Now 638周四凌晨3時直播)萊比錫對英超兵例衰
RB萊比錫喺本土賽事成績不俗，現時聯賽同榜首拜仁慕尼黑同分，但轉戰歐聯卻顯得唔夠班，踢兩場分別不敵馬德里體育會、祖雲達斯，今場遇上英超一哥利物浦，恐怕形勢更加唔樂觀。事實上，RB萊比錫近3次歐聯對英超球隊都落敗，無獨有偶3次都係輸畀曼城，「紅軍」同曼城實力旗鼓相當，預料RB萊比錫無力發圍。
至於利物浦上場英超以2比1擊敗車路士，今季各項賽事踢11場贏10場，創下球隊近34年最佳開季成績，可見球員狀態處於巔峰。加上射手穆罕默德沙拿腳風非常順，近5次上陣入4球，包括上輪歐聯對博洛尼亞，射入1球及1次助攻。利物浦今屆歐聯兩戰都能夠淨贏對手2球，表現充滿說服力，今場有力再下一城。文:MIC少
评论互动 (0)